Жұрт Абай Бегей мен Тамара Асарды баяғы-ақ жұптастырып қойған. Оған себеп қос әншінің той-томалақтардан жиі бірге көруі.
Бұл туралы Stan.kz хабарлайды.
Әрі қос өнер иесінің жалғыз жүргенін білетін жұрт олардың бақытты болуын қалайды.
Күні кеше Абай Бегей мен Тамара Асар бір тойда ән салды, дуэт шырқады. Әріптесімен бірге түскен суретін жүктеген Тамара Асар: “Әзіл-қалжыңы жарасқан досым, кейде екеуміз жаман “серьезный” әңгімелер айтамыз”, – деп жазды.
“Жақсы жұп болар едіңіз. Ренжімеңіз, жақсы ниетпен айтып отырмын”, – деп пікір білдірді Нұрия Сәндібаева есімді оқырман.
“Шынымен жарасыздар, қайда жүрсеңіздер де аман болыңыздар”, – деп қоштады Айымгүл есімді желі қолданушысы.
Өз кезегінде Абай Бегей расында да Тамара Асарда көңілі бар екенін білдіріп қалды.
“Сол ғой, қарамай жүр ғой”, – деп жауап берді ол өзіне тілекші болғандарға.
Алайда әнші мұны қалжың ретінде жазған болуы да мүмкін.