Заңгер әрі блогер Айгүл Орынбек әйелін қорлап, түрмеге түскен Бақытбек Есентаев босауы тиіс деп санайды. Ол тоқал үшін сотты болған Қайрат Жамалиевті босатқан құзырлы орган Бақытбек Есентаевты да босатуы тиіс дейді.
Бұл туралы Айгүл Орынбек әлеуметтік желідегі парақшасында жазды.
“Қайрат Жамалиевті шығарған сот, Бақытбек Есентаевті де бостандыққа шығарсын!
Баян сот кезінде-ақ кешірім беріп қойған, оны қамамауын сұраған болатын. Елдің алдында шешініп жатқан қыздарын, түрмеден шығып тәрбиелесін. Әке тәрбиесі деген бәрібір бөлек. Әлде Жамалиевте ғана ақша бар, Есентаевта ақша жоқ па?..
https://kaz.365info.kz/aken-bolsa-tyrmede-otyr-tosindi-zhap-ajsaule-bakhytbek-tagy-da-yyatkha-khaldy-foto-257672
Адамды ұрып қорлаған, аузына зорлаған адам түрмеден айыппұлмен шығады да, Бақытбек шықпай ма? Ол да шықсын! Жалпы, мына адамды ұрып-соғып қорлағандар айыппұлмен шығып жатқанда, балық ұрлап, он жылға сотталып кетіп жатқандарды көріп жүрегің ауырады екен.
Бізден адам өмірінен гөрі, балықтардың құқығы Қазақстанда жақсы қаралады екен. Қазақ Елінің Әділетті Соты жасасын!”, – деп жазды Айгүл Орынбек.
https://kaz.365info.kz/lyajsirany-kyjeuge-berip-alajyn-tyrsyn-alagozov-tagy-da-yjlenbekshi-foto-323836
Естеріңізге салсақ, 2015 жылы тоқалымен көңіл қосқан жас жігітті ұрып соғып, қорлық көрсеткені үшін бизнесмен Қайрат Жамалиев істі болып, сот оған 13 жылға қатаң режимдегі колонияда жазасын өтеу туралы шешім шығарды. Тамыздың 18-інде Жамалиев жазасы өтелмеген бөлігіне айппұл төлеп, (шамамен 1 млн теңге көлемінде) бостандыққа шықты.
Ал продюсер Баян Алагөзовтың бұрынғы күйеуі әйелін өлтіруге оқталды деген айыппен 9 жылға бас бостандығынан айырылған болатын.
https://kaz.365info.kz/yrgany-bar-yzatu-tojyndagy-khalyndykhtyn-khylygy-zhaga-ystatty-video-323830