БАҚ: Мәскеу санкцияға жауап ретінде АҚШ-тың 35 дипломатын еліне қайтармақшы
Егер АҚШ президенті Дональд Трамп Ресейге санкциялар салу жөніндегі заң жобасына қол қоятын болса, Америка елшілігінде жұмыс істейтін 35 дипломатты еліне қайтарады. Бұл жөнінде “Коммерсантъ” басылымы сыртқы істер министрлігіндегі дереккөзге сілтеме жасап, хабарлады.
Басылымның жазуынша, ресейлік билік америкалық дипломаттар тұратын елшілік қалашығына тұруға тыйым салады. Америка енгізіп отырған жаңа санкцияларда АҚШ-тағы ресейлік дипломатиялық өкілдер жеке мүліктерін кері қайтарып ала алмайды.
Өткен аптада Ресейдің сыртқы істер министрі Сергей Рябков Мәскеу мен Вашингтон АҚШ-тағы екі ресейлік дипломатиялық нысандарға кіруге мүмкіндік беру жөнінде келісімге қол жеткізуге жақын деп мәлімдеген.
Өткен жылдың желтоқсан айының соңында америкалық билік 35 ресейлік дипломатқа нон-грат жариялап, Нью-Йорк және Мэриленд штатындағы екі саяжайды жапқан. Вашингтон бұл шара Ресейдің америкалық сайлауға араласуына жауап ретінде қабылданғанын мәлімдеген.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз