Байқоңырда улы гептил жағатын зымырандарды ұшыруға тыйым салынады
Депутаттар алдында есеп берген Қорғаныс және аэроғарыш өнеркәсібі министрі Бейбіт Атамқұлов “Протонға” тыйым салынатынын, бірақ бас тартпайтынын айтты.
Бұл туралы 31 арна хабарлайды.
“Байқоңыр” ғарыш айлағынан улы гептил жағатын зымырандарды ұшыруға тыйым салу керек деп шырқыраған ұлт жанашырларының айқайы ақыры билікке жеткен секілді. Осыдан үш жыл бұрын “Протон” зымыран тасығышы Байқоңырдан ұша бергенде құлап, 600 тонна улы гептил төгілген болатын. Осыдан кейін табиғат жанашырлары киіктердің қырылуын апаттан көріп, гептил қолданатын зымырандарды ұшыруға тыйым салуды бірнеше жыл талап етіп келді.
Бүгін Үкімет сағатына келген министр Бейбіт Атамқұлов “Протонның” ең тиімді екенін айтып, оның ұшуына 2025 жылдан бастап тыйым саламыз деді. Жоспар бойынша, гептилді зымыран 2021 жылға дейін жылына екіден жеті ретке дейін ұшырыла бермек. Ал 2025 жылдан бастап оның орнына “Сұңқар” деп аталатын экологиялық таза зымыран ұшырылуы мүмкін. Министр Ресеймен бірлесіп әзірленіп жатқан жобаның құны 750 миллион доллар дейді.
Бұл жобаға ақша бөлінген жоқ. Бұл 19 жылы басталатын жұмыс,- дейді Бейбіт Атамқұлов
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз