Байқоңыр қаласының әнұранын бекіту үшін жарияланған байқау нәтиже бермеді
Байқоңыр қаласының гимнін бекіту үшін жарияланған байқау өз нәтижесін бермеді. Өйткені комиссия үміткерлер ұсынған алты музыкалық композицияның ешқайсысын жаратпапты.
Бұл туралы ҚазАқпарат хабарлады.
Алдында байқаудың бастапқы кезеңінде Байқоңыр қаласының болашақ әнұранының мәтіні дайын, енді оған музыка жазу ғана қалды деп хабар берілген. Байқоңырдың 1998 жылы және 2001 жылы қабылданған гербі мен туы да осындай конкурстар арқылы іріктеп алынған еді.
2017 жылғы 4-қазанда ұшырылған Жердің тұңғыш жасанды серігінің 60 жылдығына арналған салтанатта байқоңырлықтар қаланың арнайы гимнін шырқауды жоспарлаған. Қаланың мәдениет, жастар саясаты, туризм және спорт басқармасы Байқоңырдың гимніне жазылған шығармалар байқауын қайта ұйымдастыру туралы арнайы хабарлайтынын мәлімдеді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз