Әлеуметтік желіде Алматы-Талдықорған трассасының үңгір секілді үңірейіп қалған тұсын түсірген видео пайда болды.
Бәрінен масқарасы бұл жаңадан салынған жол екен. Оған қоса үңірейген жер тура көпірге тақау тұр. Біраз уақыттан соң көпірдің опырылып түсуі әбден ықтимал. Ал автокөліктер қаннен қаперсіз одан күні-түні зуылдап өтіп жатыр.
Көлік жүргізушілері қауіпті аймақтан өтіп бара жатқанын байқамайды да. Өйткені, үңірейген үңгір жол үстінде емес, тура жанынан пайда болған.
Видео авторы: “Тағы біраз уақыттан кейін көпір құлап кетуі мүмкін. Жүргізушілер, сақ болыңыздар. Дабыл қағыңыздар” деп ескерту жасайды.