Байқадыңыздар ма?

11 ақпан 2018, 14:15

254

Бір жерде жарты жыл жұмыс істесек, жарты ғасыр істегендей шіреніп, қызметтік өсімді күтеміз. Неге бізді бірден басшы етіп тағайындау керек? 50 мың теңгенің жұмысын істегенше, әбүйірімізді төкпей үйде жұмыс күтіп жатқанымыз артық. «Алма піс, аузыма түс». Оқтау жұтқандай сіресіп жүретіндердің қағидасы бұл. Меніңше, кінә ата-анадан. Қарға баласын аппағым деп сүйсе, кейінгі ата-аналар балаларын «данышпаным» деп сүйеді.

Мүмкін оның жақсы жағы бар шығар… «Біз көрген қиындықты көрмесін» деп балаларын жұмысқа салғысы келмейді, қиналып еңбек еткендерін қаламайды. Бірден жоғары жақта отырып, қолына портфель ұстап жүргендерін қалайды. Осыны кішкентайынан балаларының санасына сіңіре береді. Біз үшін еңбектеніп нан табу, табандылықпен өсу жат болып бара жатқандай.

Ербол Сармурзин

Фейсбуктегі парақшасынан