«Баха, бәрібір отырасың». Баянның күйеуіне шығарылған сот шешімі өзгеріссіз қалды

Бақытбек Есентаев жұбайы Баян Мақсатқызының (Есентаева) өміріне қауіп төндіргені үшін сотталған.

Танымал продюсер Баян Мақсатқызының бұрынғы күйеуі Бақытбек Есентаевқа шығарылған үкім өзгеріссіз қалдырылды деп хабарлайды Sputnik Қазақстан агенттігі сот залынан. Есентаев 3 қараша күні 9 жылға бас бостандығынан айыру жазасына кесілген болатын.

Алматы облыстық сотының апелляциялық коллегиясы шешімімен Есентаевқа берілген жаза мерзімі өзгеріссіз қалдырылды.

2016 жылы 10-маусымда танымал продюсер, актриса, тележүргізуші Баян Есентаева (кейіннен қыз күніндегі Мақсатқызы тегін қайтарып алды) пышақ жарақаты мен түрлі соққы алып аурухана түсті. Қылмыс жасаған деген күдікпен Бақытбек Есентаев ұсталды. Ер адамға өз жұбайының өміріне қастандық ойлады деп айып тағылды.