Қайрат Омаров БҰҰ жанындағы Қазақстан Республикасының тұрақты өкілі Қайрат Әбдірахмановтың орнын басты.
АҚШ-тағы Қазақстан елшісі Қайрат Омаров қызметінен босатылып, Елбасының жарлығымен БҰҰ жанындағы Қазақстан Республикасының тұрақты өкілі болып тағайындалды. Елбасының бұл жарлығын Ақорданың баспасөз қызметі жариялады.
“Елбасының жарлығымен Қайрат Омаров Ермекұлы БҰҰ жанындағы Қазақстан Республикасының тұрақты өкілі болып тағайындалды. Ол АҚШ-тағы Қазақстанның төтенше және өкілетті елшісі қызметінен босатылды”, — делінген жарлықта.
Қайрат Омаров әр жылдары Үндістандағы, Шри-Ланкадағы Қазақстанның елшісі болған, сол секілді бір жылдары ҚР сыртқы істер министрінің орынбасары болды.