ҚР Сыбайлас жемқорлыққа қарсы іс-қимыл ұлттық бюросы бірнеше рет пара алған Ауылшаруашылығы министрлігі Ветеринариялық бақылау және қадағалау комитетінің төрағасы Сақташ Хасеновты ұстады.
“Сақташ Хасенов белгіленген баға бойынша жүйелі түрде пара алып отырған. Осы әдетпен Қазақстан аумағы бойынша 1 мың тонна құс етін кедергісіз өткізуге рұқсат бергені үшін «Хладоленд» ЖШС басшыларынан 5 млн теңге көлемінде кезекті пара алу барысында ҚР Сыбайлас жемқорлыққа қарсы қызмет Хасенов пен Решетьконы ұстады”
делінеді ұлттық бюро таратқан хабарламада..
Олар кінәларын толықтай мойындады. Қазіргі уақытта Сақташ Хасенов абақтыға жабылды.
Сот алды тергеу жүргізілуде.