Атмосфералық ағымдардың өтуіне байланысты бүгін республиканың басым бөлігінде ауа райы жауын-шашынды, қар жауып, күндіз оңтүстікте қалың жауын-шашын болады, еліміздің оңтүстік-батысында ғана күн ашық. Кей жерлерде тұман, көктайғақ, бұрқасын болып, жел күшейеді, деп хабарлайды Қазгидрометке с ілтеме дасаған baq.kz.
Ақмола, Алматы облыстарының кей жерлерінде тұман түсіп, жел жылдамдығы 15-20 м/с дейін жетеді. Ақмола облысының кей жерлерінде аздап боран соғады. Жамбыл, Оңтүстік Қазақстан, Қызылорда облыстарының кей жерлерінде тұман түсіп, 15-20 м/с жылдамдықпен жел соғады, Жамбыл, Қызылорда облыстарының кей жерлерінде көктайғақ болады.
Қостанай, Солтүстік Қазақстан облыстарында 15-20 м/с жылдамдықпен жел күшейіп, кей жерлерде боранға ұласады. Қарағанды облысының кей жерлерінде тұман түсіп, көктайғақ болып, жел күші 15-20 м/с дейін жетеді, соңы боранға ұласуы ықтимал. Шығыс Қазақстан облысының кей жерлерінде жел 15-20 м/с дейін күшейіп, түнде кей жерлерде тұман түседі, аздап боран соғады деп болжануда.