Азық-түлік бағасы 4,9 пайызға қымбаттады дегенге кім сенеді?

Биылғы жылдың 9 айында Қазақстанда инфляция 5,6 пайызды құрады. ҚР Ұлттық экономика министрлігінің мәліметінше, азық-түлік 4,9 пайызға, ақылы қызметтерге баға 5,3 пайызға өскен, деп хабарлады primeminister.kz.

Ағымдағы жылдың басынан бері баға жармаларға 32,5, шайға -25,8, қантқа – 22,4, нанға – 16,1, қайта өңделген және консервіленген көкөністерге – 13, кондитерлік өнімдерге – 11,9, күнбағыс майына – 11,8, салқындатылған сусындарға – 10,8, макарон өнімдеріне – 10,2, жеміс және көкөніс шырындарына – 9,3, құс етіне – 8,7, кептірілген жемістер мен жаңғақтарға – 8,3, тоқаш және ұннан дайындалатын өнімдерге – 7,9 пайыз қосылған.

Ал, жиналған көкөністердің бағасы 27,8, жұмыртқанікі – 8 пайыз, шикі сүттікі 7,9 пайызға арзандады.

Дизель отыны 27,3, баллондағы сұйытылған газ 17,5 пайызға қымбаттады.