Әзербайжанда қымбат құлпытастарға тыйым салынбақ
Әзірбайжанда бейіттерде үлкен құлпытастар қоюға тыйым салынбақ. Бұл туралы 26 қазан күні бейсенбіде Діни ұйымдармен жұмыс жөніндегі мемлекеттік комитет төрағасы Мубариз Гурбанлы мәлімдеді, деп хабарлайды Baq.kz.
«Мамандар бұл жоба бойынша көп жұмыс істеді. Жаңа тәртіптің ескі молаларға қатысы болмайды. Жаңа талаптарға сәйкес салтанатты құлпытастарды қоюға тыйым салынады», – деді Гурбанлы.
Ол жаңа ереженің мақсаты мола шаруашылығындағы жағдайды ретке келтіру екенін айта кетті. Баку халқына азаматтық қызмет көрсету бойынша бас инженер Сабир Гасановтың айтуынша, қайтыс болған адамдардың туыстары құлпытастарды көбіне қара граниттен қояды екен. Оның биіктігі 140-150 см.
2016 жылы наурыз айында Бакуде адамның көзі тірісінде моладан жер алуға тыйым салынған еді.
2013 жылдың қарашасында Бакудің әкімшілік шекарасында орналасқан Мамед Эмин Расулзаде атты ауылдағы жолдардың бірін қабір тасымен салып шыққан. Жергілікті тұрғындар коммуналдық қызмет бұл жерде су құбырын өткізгенін айтқан. Жұмыс аяқталған соң тастарды жолға түсірген. Бірнеше күн өткен соң, ауылда жаңбыр жауып, шаңды шайып кетеді. Жауыннан кейін тастардың бетінен қайтыс болған адамдардың суреттері шыққан. Сол кезде жолдың қабір тастарымен салынғаны белгілі болған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе