Батысқазақстандық палуан Ерасыл Бақыт Ресейдің Чебоксары қаласында самбо күресінен мәреге жеткен бүкілресейлік турнирде жүлдегер атанды.
Батыс Қазақстан облысы дене шынықтыру және спорт басқармасынан түскен мәліметке қарағанда, Ерасыл 48 кг салмақта қола жүлдені иеленді деп хабарлады ҚазАқпарат.
Еске сала кетейік, 11-13 қарашада Болгария астанасы София қаласында самбодан ересектер арасында әлем чемпионаты өтеді. Оған Қазақстан құрамасы сапында белгілі батысқазақстандық палуан, самбодан төрт мәрте әлем чемпионы Ерболат Байбатыров қатысады.