Қазақстанда екі күннен соң террористік қауіптіліктің «сары» деңгейі алынып тасталады

2017 жылдың 16-қаңтарынан бастап Қазақстанда террористік қауіптіліктің «сары» деңгейі алынып тасталады.

Бұл туралы ҚР Антитеррор орталығы хабарлады.

«Қазақстан Республикасы Антитеррор орталығы 2017 жылғы 16-қаңтардан еліміздің барлық аумағында бірқалыпты («сары») террористік қауіптілік деңгейінің әрекеті алып тасталатыны жөнінде хабардар етеді. Шешімді Ұлттық қауіпсіздік комитетінің төрағасы Қазақстан Республикасы Президентінің 2013 жылғы 9 тамыздағы № 611 «Терроризм актісі қатерінің туындауы туралы ақпарат мониторингінің және халықты хабардар етудің мемлекеттік жүйесінің ұйымдастырылуы мен жұмыс істеуі қағидаларын бекіту туралы» Жарлығы талаптарына сәйкес қабылдады», делінген хабарламада.