Қазақстан Сирияға не жіберді?
Қазақстаннан жөнелтілген 500 тонна гуманитарлық жүк Тартус порты арқылы Сирияға жетті деп хабарлайды ақпарат агенттіктері.
Қазақстаннан жіберілген гуманитарлық көмекті Сирияда ресейлік әскерилер қабылдап алған. Ұн, консервіленген ет, күріш, макарон өнімдері, шәй тиелген жүкті күтіп алған әскерилер оны әрі қарай Алеппо, Латакия және Тартус провинцияларына жібермек. Гуманитарлық көмектің халыққа таратылуын Сириялық арабтық Қызыл Жарты ай ұйымы қадағалайтын болады.
23-24 қаңтар айында Астанада Сирия жөнінде келіссөздер өткізілген кезде, Қазақстаннан Сирияға 500 тонна азық-түлік жіберілгені айтылған. Астанада Ресей, Түркия және Иранның бастамасымен Сирия президенті Башар Асадтың өкілдері, сириялық оппозициялық топтың өкілдері қатысқан кездесуде тараптар нақты келісімге келмеді.
Сириядағы азаматтық соғыс алтыншы жылға созылып барады. 400 мыңнан астам адам қаза тауып, миллиондаған халық елін тастап, босып кетті.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз