Қазақ ғалымдары мұнайқұбырын коррозиядан қорғайтын жабын ойлап тапты
М.Әуезов атындағы ОҚМУ ғалымдары мұнай құбырлары, мұнайхимия өнеркәсібі мен мақта өңдеу саласындағы құрал-жабдықтарды коррозиядан қорғайтын санқырлы жабын ойлап тапты, – деп хабарлайды «Мемлекеттік ұлттық ғылыми-техникалық сараптама орталығы» АҚ Баспасөз қызметі.
Ғылыми-зерттеу жұмысына техника ғылымдарының кандидаты М.К. Жантасов жетекшілік жасағанын айта кетуіміз керек.
Жаңа жабын өте жұқа полиэтиленнен тұрады. Оның құрамында госсипол, госсипол шайыры, өсімдік және минералды заттар, компатибилизатор, волластонит бар. Ізденушілер өздері дайындаған жабынды мұнай құбырларына үш қайта жағып, сынақтан өткізгенде – жабын құбырды коррозиядан жоғары деңгейде қорғайтынын көрсеткен. Сондықтан жаңа жабын өндірістік құралдар мен мұнайқұбырларын тотығудан қорғау үшін таптырмас құрал болып тұр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе