Белгілі әнші Төреғали Төреәлі кеше үйлену тойын дүркіретіп өткізді. Оған көптеген танымал адамдар барды. Ал оның алдында әнші бес күн бойы концерт берген болатын.
Концертті де, тойды да тараздық продюсер Жан Мұқанов ұйымдастырған. Ол өзінің Инстаграмдағы impresario_kz деген парақшасында Төреғалиға ренжіген сыңайда жазбасын қалдырыпты, деп хабарлайды Caravan.kz.
Әдемі отбасындағы әдемі жоба туралы айтайын деп, Алматыдан Таразға кетіп барамын.
Мен анам қайтыс болғанда алғаш рет Алматыдан жүрегім ауырып қайтып едім. Ол кезде Алматы мен үшін ерекше қала болмай қалған.
Міне, қазір де сондай сезіммен кетіп бара жатырмын. Сұмдық қиындықтарға, ауыр сөздерге, кемсітулерге, тіпті қорқытуларға қарамастан мен және менің командам масқара болмай, осындай әдемі жобаны жүзеге асырдық. Он күн бойы отбасымнан, үйімнен жырақта жүру оңай емес. Бірақ бәрін жасадық. Әдемі концерттер мен той болды!» деп жазады Жан Мұқанов.
Ал өз кезегінде продюсерді жұбатып жатты оқырмандары: “Сізді ренжіткен бүгінгі той иесі шығар. Қиын адам екені, сараң адам екені сезіледі. Сізге сабырлық! Алладан қайтсын! Еңбегіңізді халық біледі. Кəсібіңіз жүре берсін! Мұндай жүрек ауыртып, жүйке тоздыратын жобалар сізден алыс болсын!”, “Не болсын, баяғы ақшасына келісе алмаған шығар, Төрегалидың әкесі нашар адам, баласының абройын төгіп жүреді” , деп жазды олар.
Мақала VK-дағы “Атамның басы-ай” тобында қызу талқылануда.