Әнші тойдағы қызықтарды өзінің Instagram парақшасына жариялап, оқырмандарымен бөлісіп отырды.
Той қаладағы қымбат мейрамханаларда емес, Есмахан әулетінің қара шаңырағында, үй ауласында атап өтілді. Мұны көрген жұрт Еркені басқа қырынан танып, қарапайымдылығына тәнті болды.
Той барысында Әбдіраш ақсақал мен Мақпал әжей Ғаділбектің “Ханшайым” әніне вальс билеп, көпшілікті сүйсіндірді.
Ал Ақтөбеге домбырасын арқалай барған Қуандық жыр-термеден шашу шашып, қошеметке бөленді.
Сондай-ақ, алтын той иелерінің немерелері де өнерден кенде емес екендерін көрсетті. Ата-әжесіне ән арнаған бүлдіршіндердің арасында Ерке Есмахан мен журналист Асхат Садырбайдың ұлы Мүслім де бар.