Ауқымды акция жалғасын табуда
«Біз біргеміз» челленджін Шығыс Қазақстан облысы бойынша Қылмыстық-атқару жүйесі департаментінің қызметкерлері де қолдады
Биылғы жылы Шығыс Қазақстанда қар қалыпты деңгейден әлдеқайда жоғары жауды. Мектеп, аурухана секілді әлеуметтік маңызды нысандар мен жеке үй-жайларды қар басып қалды. Қар жинайтын техникалар тоқтаусыз жұмыс істегенімен, әлі де атқарар жұмыс көп. Осындай қиын қыстау кезеңде қала тұрғындары мен еріктілер екі қолға бір күрек алып, коммуналдық сала қызметкерлеріне көмек көрсетуде.
«Табиғаттың тосын мінез танытқан тұсында Шығыс Қазақстан облысы Қылмыстық-атқару жүйесі департаменті ОВ 156/6 мекеме қызметкерлері «Біз біргеміз» челленджін қолдап, осы мекемеде ұзақ жылдар кадр бөлімінің бастығы болып істеп, зейнеткерлікке шыққан Тамара Павловна Комиссарова мен тексеру бөлімінің бақылаушысы болып қызмет атқарған зейнеткер Тамара Михайловна Дробышеваның үйіне барып аула маңайындағы қалың қарды тазалап өз көмектерін көрсетті», — деп хабарлайды ШҚО ҚАЖД баспасөз қызметі.
Республика бойынша бастау алған бұл акцияға еліміздің түпкір-түпкірінен әр қазақстандық азамат өз үлесін қосуда.
Елордада «Біз біргеміз» челленджі аясында 13 мыңнан астам адам қар күреді. Бұл туралы Нұр-Сұлтан қаласы Волонтерлер штабының төрағасы Шыңғыс Тлеулин айтты», — деп хабарлайды ҚазАқпарат.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе