Ауғанстанда жарылыстан дипломаттар зардап шекті
Ауған билігінің мәліметі бойынша, 10 қаңтарда Кандагар провинциясында болған жарылыстан кемінде бес адам қайтыс болып, 14 адам жараланған. Оның ішінде провинция губернаторы мен Біріккен Араб Әмірлігі (БАӘ) елдерінің Ауғанстандағы елшісі болған.
Жарылысты дипломаттардың кездесу қарсаңында әдейі ұйымдастырылғаны хабарланады.
Жергілікті әкімшіліктің баспасөз хатшысы Самим Кхпалвактың сөздерінше, жарылғыш зат қабылдау залындағы диванның астында болған. БАӘ сыртқы істер министрлігі де бұл ақпаратты растап, осы елдің елшісі Джум Мухаммед Абдулла әл-Кааби және бірқатар дипломаттардың жараланғанын хабарлады.
БАӘ әскері Ауғанстанда 2001 жылдан бері орналасқан. Әзірге шабуылды ешкім мойындарына алмады. Бұл оқиғадан екі сағат бұрын Кабулде парламент ғимаратында жарылыс болған. Нәтижесінде адамдар мерт болып, ондаған адам жараланған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе