Атырауда жаппай төбелескендердің кім екені анықталды
Атырауда жаппай төбелескендердің кім екені анықталды, – деп хабарлайды Тengrinews.kz тілшісі.
“6 желтоқсанда шамамен 13:25-те Атырау қаласындағы “Привокзальный” ықшамауданында жасөспірімдер арасында жанжал шығып, артынша төбелес болды. Қазіргі уақытта осы оқиғаға қатысқан барлық адам анықталды. Ата-аналарымен профилактикалық әңгіме шаралары жүргізілді. Кәмелет жасына толмаған алты баланың ата-анасына ҚР Әкімшілік құқық бұзушылық туралы кодексінің 435-бабы бойынша әкімшілік хаттама толтырылды. Оқиға салдарынан зардап шеккендер жоқ”, – деп хабарлады ІІД өкілдері.
Еске салайық, Атырау полициясы жаппай төбелескендерді іздестіріп жатыр, оқиғаның видеосы Желіде таралды. Видео @zello_atyrau паблигінде жарияланған. Кадрлардан бірнеше жасөспірімнің бір жігітті жерге құлатып алып, сабағанын көруге болады. Олар ұрып, теуіп жатқанда көшедегілер ажыратуға келген.
Атырау облыстық ІІД өкілдері ұрып-соққандардың аты-жөнін анықталып жатқанын айтты.
“Осы дерек бойынша заңды шаралар қабылданады”, – деп хабарлады полициядағылар.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз