Атырауда жан досын өлтірген азамат сотталды
Атырауда бала кезінен бірге өскен досын айуандықпен өлтірген азамат сотталды.
Бұл туралы Атырау облысының қылмыстық істер жөніндегі мамандандырылған ауданаралық сотының баспасөз қызметі хабарлады.
2017 жылдың 2 наурыз күні Атырау қаласында соттталушы Р. досы Б-мен бірігіп спирттік ішімдік ішкен. Араққа тойып алған олардың арасында жанжал туындап, Б. сотталушының басына шай төгіп, ас үстелін төңкеріп жіберген. Бұған төзбеген сотталушы Р. ас үстелінің темір аяғын жұлып алып, жәбірленушінің басы мен денесінің әрбір жеріне 115 рет соққы жасаған. Салдарынан жәбірленуші Б. алған соққылардың ауырлығынан басына қан құйылып, оқиға болған жерде қаза болған.
Сот үкімімен М.Р. ҚР Қылмыстық кодексінің 99-бабының 1-бөлігі, „Адам өлтіру„ бойынша кінәлі деп танылып, оған 10 жыл мерзімге бас бостандығынан айыру жазасы тағайындалды. Жаза өтеу орны ретінде қылмыстық-атқару жүйесінің қауіпсіздігі барынша жоғары мекемелері (қатаң режим) белгіленді.
Сот үкімі заңды күшіне енді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз