Атырауға жақын жерде мұнайлы көл пайда болды
Атыраудан 70 шақырым қашықтықта мұнайға толы шағын көл пайда болды, деп хабарлайды ҚазАқпарат.
Мұнайға толы көлдің пайда болғаны туралы әлеуметтік желілерден белгілі болды. Онда қолданушылардың бірі видео жүктеген. Таспада Махамбет ауданы Таңдай ауылына жақын жердегі суат түсірілген.
Суаттың бетінде мұнайдың қалқып жүргенін байқауға болады. Бұл ауыл Атыраудан 70 шақырым қашықтықта орналасқан.
Видеоға байланысты Атырау облысы экология департаменті пікір білдірді.
«Мұнайдың су бетіне шығу фактісі туралы барлық жауапты органдарға хабарланды. Қоршаған ортаның ластану мәселесі бақылауға алынды. Қосымша ақпарат қосымша хабарланатын болады», – деді экология департаментінде.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз