Атырауда заңсыз балық аулағандар қолға түсті
Атырауда браконьерлікке және бекіре тұқымдас балықтарды заңсыз аулауға қарсы күрес жалғасуда.
Бұл туралы ҚР Ішкі істер министрлігінің баспасөз қызметі хабарлады.
«Кедергі» жедел алдын алу шарасын өткізу кезінде Атырау облысы ІІД Ұйымдасқан қылмысқа қарсы күрес басқармасының қызметкерлері
бір әйел адамды қолға түсіріп, одан жалпы салмағы 25 келі болатын бекіре тұқымдас балықтар, 2 келі тартатын қара уылдырық тәркіледі.
Сондай-ақ, жол-патрульдік полиция ротасының қызметкерлері Атырау-Орал тас жолы бойында Индер ауылы аумағында «Лексус» маркалы автокөлікті тоқтатып тексерген кезде көліктің ішінен 800 келі сазан, 42 бекіре тұқымдас балық табылды.
Осы фактілер бойынша қазіргі уақытта ҚР Қылмыстық кодексінің 339-бабы, яғни „Сирек кездесетін және жойылып кетуге таяу, сондай-ақ пайдалануға тыйым салынған жан-жануарлар немесе өсімдік түрлерін, олардың бөліктерін немесе бұтақшаларын заңсыз қолдану„ негізінде сотқа дейінгі тергеу басталды.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз