Атырау қаласында лауазымды өкілеттіктерін асыра пайдаланған түрме қызметкерлеріне сот үкімі шықты.
Бұл туралы Атырау қаласының №2 сотының баспасөз қызметі хабарлады.
Атап айтқанда, №УГ-157/9 мекемесінің қос қызметкері таңғы серуенге шығып, бұйрықты орындамағаны үшін жазасын өтеуші М.Т.-ның екі қолын қайырып, соққының астына алған. Салдарынан жәбірленуші «жеңіл» дәрежелі дене жарақатын алған.
Сот үкімімен мекеме қызметкерлірі кінәлі деп танылып, Ж.Д. ҚР Қылмыстық кодексінің 370-бабының 2-бөлігімен көзделген қылмысты жасағаны үшін айыпты деп танып, әділет аға лейтенанты атағы мен құқық қорғау органдарында лауазымдарды атқару құқығынан өмір бойына айырылып, 3 жыл мерзімге бас бостандығынан шектелді.
Келесі сотталушы, түрме қызметкері – А.Е. ҚР Қылмыстық кодексінің 362-бабының 4-бөлігінің 1-тармағымен көзделген қылмыстық әрекеттерді жасағаны үшін кінәлі деп танылып, ол да әділет капитаны атағынан және құқық қорғау органдарында лауазымдарды атқару құқығынан 5 жыл мерзімге, бас бостандығынан шартты түрде 5 жылға айырылды.
Үкім заңды күшіне енген жоқ.