Атырауда сыра ішкен жігіт жауапқа тартылды
Атырау облысында кәмелетке толмаған бөлесімен бірге сыра ішкен жігіт қамауға алынды.
Бұл туралы облыстағы кәмелетке толмағандардың істері жөніндегі мамандандырылған ауданаралық сотының баспасөз қызметі хабарлады.
Атырау облысының кәмелетке толмағандардың істері жөніндегі мамандандырылған ауданаралық сотында кәмелетке толмаған туысын масаң куйге жеткізген Құрманғазы ауданының тұрғынына қатысты әкімшілік іс қаралды. 2017 жылдың 4-шілдесінде сағат 22.00 шамасында Құрманғазы ауданы тұрғыны жасы кәмелетке толмаған бөлесіне сыра ішкізіп, масаң күйге дейін жеткiзген.
Сот отырысында жауапқа тартылушы өзінің 15 жастағы бөлесіне сыра алып беріп, бірге ішкенін, сол кезде дүкен жанында отырғанда құқық қорқау органдары қызметкерлеріне ұсталғандарын, сараптама өткізген кезде жеңіл түрде мас екендері анықталғанын айтты.
Сот қаулысымен құқықбұзушы ҚР ӘҚБтК-нің 131-бабымен, яғни кәмелетке толмаған баланы масаң күйге дейін жеткізгені үшін кінәлі деп танылып, 1 тәулік әкімшілік қамаққа алынды.
Сот қаулысымен құқықбұзушы ҚР ӘҚБтК-нің 131-бабымен, яғни кәмелетке толмаған баланы масаң күйге дейін жеткізгені үшін кінәлі деп танылып, 1 тәулік әкімшілік қамаққа алынды.
Қаулы заңды күшіне енген жоқ.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз