Атырауда сегіз жастағы қызды зорлап, өлтірген педофилге қатысты сот үкімі шықты
Атырау облыстық қылмыстық істер жөніндегі мамандандырылған ауданаралық сотында Бесікті ауылының 28 жастағы тұрғыны сегіз жастағы Айкөркем Алдамжарды зорлап, өлтіргені үшін сотталды, – деп хабарлайды “Ақ Жайық”.
Процесс баспасөзге жабық тәртіпте өтті. Журналистер үкім шығарылған кезде ғана сот залына кіре алды. Ер адам ауырлататын жағдайда адам зорлады және өлтірді деп танылды. Оған барынша қауіпсіздендірілген колонияға 25 жылға бас бостандығынан айыру жазасы тағайындалды. Жалпы жаза мерзімінің алғашқы үш жылын ер адам толықтай қауіпсіз жерде өтейді.
Сондай-ақ, кәмелетке толмағандармен және қарумен байланысты жұмыс істеу құқығынан өмір бойына аластатылды. Оның үстіне, ол қаза тапқан қыздың шешесіне моральдық шығын ретінде 5 миллион теңге өтеп беруі тиіс. Сотталушы үкімге 15 күннің ішінде шағым түсіре алады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз