Атырауда парацетамолды 1000 теңгеден сатқан

Заңсыз бизнесті клиника иесі ұйымдастырды. Препараттар ресми деңгейден 3-8 есе қымбат бағамен сатылған, деп хабарлайды polisia.kz.

Клиникада леволет 18 мың теңгеден, ингавирин — 14 мың, азитромицин — 3 мың, цианокобаламин — 3 мың, цефтриаксон — 1 мың, парацетамол — 1 мың, аскорбин қышқылы —  1 мың теңгеден сатылған. Жедел қызметкерлер клиника бөлмесінен қазіргі уақытта жоғары сұранысқа ие дәрі-дәрмектердің 30-дан астам қорабын тапты.

Бір күн бұрын Атыраудың басқа тұрғыны парацетамол мен азитромицинді 3,5 есе жоғары бағамен заңсыз сатқаны үшін ұсталды. Полиция екі факті бойынша тексеру жүргізуде.