Атырауда мұғалімді өлтірді деген күдікпен қарауыл ұсталды
49 жастағы ер адам екі айға қамауға алынып, тергеу изоляторына қамалды.
Бұл туралы №2 Атырау қалалық сотының баспасөз қызметі хабарлады.
Еске сала кетейік, 5 қаңтар күні Атырау қаласының №16 орта мектебінде 1960 жылы туылған дене тәрбиесі пәні мұғалімінің өлі мүрдесі табылған.
Қылмысты жасады деген күдікпен оқу орнының сантехник және қарауыл қызметтерін қоса атқаратын 49 жастағы азамат құрықталды. Алдын ала болжам бойынша, мұғалім мен қарауыл бірігіп арақ ішіп, араларында өзара дүрдараздық туындаған.
Күдіктіге қатысты ҚР Қылмыстық кодексінің 99-бабы, яғни “Адам өлтіру” бойынша сотқа дейінгі тергеу жүргізілуде. Қазір бұл іс бойынша сотқа дейінгі тергеу басталды.
№2 Атырау қалалық соты тергеушінің өтінішін қанағаттандырып, күдіктіге қатысты екі айға қамауда ұстау түрінде бұлтартпау шарасы қолданылды. Күдікті тергеу абақтысына қамалды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз