Атырау қаласының мамандандырылған әкімшілік сотының көшпелі сот отырысында бұйрықты орындамаған әскери қызметшіге қатысты іс қаралды.
Бұл туралы Атырау қаласының мамандандырылған әкімшілік сотының баспасөз қызметі хабарлады.
Әкімшілік құқық бұзушылық туралы хаттамаға сәйкес, 2017 жылғы 26-мамырда сағат 04:00 шамасында қатардағы әскери қызметші – Б. бақылау өткізу бекетінде белгіленбеген уақытта уйықтап қалып, бақылау тексеріс өткізу кезінде №51809 «Е» әскери бөлімінің взвод командирінің белгіленген тәртіппен берілген бұйрығын орындамаған.
Істі қарау кезінде қатардағы Б. әскери бөлімінің жеке құрамы алдында әкімшілік құқық бұзушылық жасаудағы кінәсін толығымен мойындады.
Судья қаулысымен ол Қазақстан Республикасының ӘҚБтК-нің 652-бабының 6-бөлігінде көзделген әкімшілік құқық бұзушылық жасағаны үшін айыпты деп танылып, оған 56 725 тенге айыппұл салу түрінде әкімшілік жаза тағайындалды.