Атырауда букмекерлік кеңседе қарулы шабуыл жасаған қаскөйлер сотталды
Адам өлтірмек болып, бұзақылық жасаған Жылыой ауданының үш тұрғыны сотталды.
Бұл туралы Атырау облысының қылмыстық істер жөніндегі мамандандырылған ауданаралық сотының баспасөз қызметі хабарлады.
Сотта белгілі болғандай, 2017 жылдың 15-ақпанында Құлсары қаласындағы букмекерлік кеңседе жәбірленушілер Е. мен А. отырған кезде Б.,К., және Д., таяқ пен қарумен қамданым баса-көктеп кіріп келген. Сөйтіп олар екі жәбірленушіге шабуыл жасап, оларды таяқтың астына алған, ал қолында мылтығы болған Д. жәбірленушілерге бағыттап оқ жаудырған. Салдарынан жәбірленушілерге көптеген дене жарақаттары келтірілген. Ал қаскөйлер болса оқиға болған жерден бой тасалаған.
Сотталған Д.-ға сот үкімімен ҚР қылмыстық кодексінің 24-бабының 3-бөлігімен, 99-бабының 2-бөлігінің 6,9- тармақтары, яғни „Адамды өлтіруге оқталу„ және 287-бабының 2-бөлігі, „Атыс қаруын заңсыз алып жүру„ бойынша кінәлі деп танылып, оған 15 жыл 3 ай мерзімге бас бостандығынан айыру жазасы тағайындалды.
Ал сотталған Б. мен К. Қылмыстық кодекстің 293-бабы 3-бөлігінің 2-тармағы – „Бұзақылық„ бойынша кінәлі деп танылып, оларға 4 жыл мерзімге бас бостандығынан шектеу жазасы тағайындалды.
Сот үкімі заңды күшіне енді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе