«Атырау» футбол клубының қызметкерлері үш айдан бері жалақы ала алмай жүр

«Атырау» футбол клубының ойыншылары мен қызметкерлері 2025 жылдың басынан бері жалақысыз отыр. Клуб ұжымы облыс әкімі Серік Шапкеновке видеоүндеу жасап, бұл мәселені шешуді сұрады.

Олардың айтуынша, жаңа тағайындалған облыстық спорт басқармасының басшысы Нұрбол Сыдықов белгісіз себептермен клубқа қаражат бөлмей отыр.

«Біз «Атырау» футбол клубының ұжымы. 2025 жылдың басынан бері жалақымызды ала алмай келеміз. Облыстық бюджеттен барлық спорт ұйымдары қаржы алады. Бірақ, бізден басқа клубтардың барлығы өз қаражатын алды. Жыл басынан бері клубтың еден жуушысынан бастап, футболшыларына дейін еңбекақысын көрген жоқ. Командада несие төлейтін, отбасын асырайтын адамдар бар. Жаттықтырушыларымыз алыстан қатынап жұмыс істейді. Осы мәселені шешіп беруіңізді сұраймыз», – делінген бейнеүндеуде.