Әнші әрі продюсер Сиви Махмұди кезінде өзіне «істер ісі жоқ байдың қызы» деп жиі сын тағылғанын айтып берді. Шоу-бизнес әлемінде 10 жылдан бері еңбек етіп келе жатқан ол бүгінде өзін көре алмаған жандарды мойындатқанын айтты.
Бұл туралы «Астана» арнасының «Ел аузында» бағдарламасында айтылды жазады Stan.kz.
Әнші әрі продюсер кезінде өзіне қырын қараған жандардың барлығын мойындатқанын айтты.
Жұрт «байдың қызы» деп санайтын Сиви бүгінде үш баланың анасы. Дүниеге үш жыл қатарынан сәби алып келген ол бүгінде денсаулығына жіті көңіл бөлуде.
«Қолдан келгенше жас болғаннан кейін пытырлатып қатарынан үш бала туып тастадым. 2013, 2014, 2015 жылдары. Бәрі қаңтар айында туған. Бірақ өкінішке қарай, оған да денсаулық керек екен. Мен шамама қарамаппын. Қазір денсаулыққа көңіл бөліп жүрмін. Маған салса жылда туамын ғой», – деп пікір білдірді Сиви.