Қазақстан шахмат федерациясының жаттықтырушылар кеңесі 2017 жылғы ҚР чемпионатының финалына қатысушылардың тізімін бекітті.
Бұл туралы Қазақстан шахмат федерациясының баспасөз қызметі хабарлады.
Жарыстар 2-22-сәуір алағында өтеді, оған елдің 22 үздік шахматшысы қатысады. Әйелдер арасындағы ақтық сында жақында ғана ерлердің халықаралық спорт шебері атағына ие болған Жансая Әбдімәлік, Гүлісхан Нақбаева, Мәдина Дәулетбаева, сеньорлар арасындағы әлем чемпионы Елена Анкудинова мен соңғы уақытта жақсы ойын нәтижелерімен көзге түсіп жүрген Айсезім Мұхит пен Арнаш Бауыржан қатысады.
“Мен Қазақстан шахмат федерациясына өтініш жазып, ерлер арасындағы ел чемпионатына қатыстыруды сұрадым. Менің өтінішімді қабыл алғанына қуаныштымын. Мен көптен бері әртүрлі турнирлерде ер адамдармен күш сынасып келемін. Бұл жерде айтарлықтай ерекшелік көріп тұрғаным жоқ”, — деді Динара Сәдуақасова.