“Ат шаптырып, көкпар тартқызам…”. Баян тойға дайындалып жатыр (видео)
Баян Есентаева үйлену тойын шетелде емес, Алматы қаласында жасайтынын айтты.
Бұл туралы КТК арнасының «Инсталайық» бағдарламасында айтылды.
Баян Есентаеваның қалыңдық көйлегімен түскен суреті әлеуметтік желіде тарап, оның тойының жақындап қалғанын білдіргендей еді. Кейіннен бұл суретті Интернетке Тұрсын Алагөзовтың өзі жүктегені белгілі болды. Артынан екеуі ұрсысып қалыпты, тойды көктемге белгілеген жоспарлары күл-талқан болыпты, енді үйленбейтін секілді деген қауесет те тарап үлгерген. Алайда Баян Есентаева оны жоққа шығарды.
«Маған тойға қатысты сұрақ жиі қойылады. Той жасаған соң, дүркіретіп жасау керек. Үйлену тойы тосын сый болса деймін. Сондықтан ол туралы айтқым келмейді.
Тек менің тойымның басқа тойлардан ерекше болатыны белгілі. Негізі, мен патриотпын ғой. Сол себепті, тойымды шетелде емес, Алматыда жасаймын.
Күтіңіздер», – дейді Баян Есентаева.
Алдындағы бір сөздерінде айтылғандай, Баян мен Тұрсынның неке қию рәсімі сәуір айынан күзге қарай шегеріліпті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе