Талай қызға арман болған еліміздегі ең сымбатты актерлердің бірі Асылхан Төлепов көп ұзамай шаңырақ көтермек. Алайда кино жұлдызы жеке өмірі жайлы жақ ашпауға бел буған. Актердің әрдайым журналистерге берер жауабы бір.
Бұл туралы НТК арнасының «Ревю» бағдарламасына сілтеме жасап Stan.kz хабарлайды.
«Жеке өмірім тыныш, ешқандай жаңалық жоқ», – деп мәлімдеген актер сүйіктісіне ұсыныс жасағанын жасырып қалғысы келген.
Алайда Төлеповтің өмірінен хабардар жандардың бірі оның эксклюзивті суретін журналистерге жіберген.
Үйленуге дайындалып жатқан актер сүйіктісіне ұсыныс жасап үлгерген. Актердің жүрегін жаулаған ару Әл-Фараби атындағы Қазақ Ұлттық университетінің түлегі – Айсұлу есімді бойжеткен.