Астанада тұрғын үй құрылысына үлес қосқан бірнеше ондаған адам үкіметтен баспаналарын аяқтауға көмектесуін сұрады. Қаладағы 29 нысанның 40 үлескерімен әкімдік, прокуратура және қалалық сәулет және құрылыс басқармасының өкілдері кездесті.
Үлескерлердің мәлімдеуінше, Астанада құрылысы аяқталмаған 58 нысан бар, олардың құрылыстары 2005-2006 жылдары басталған. Олар қалалық әкімдіктің араласуынсыз құрылысты жақын уақытта аяқтай алмайтындарын айтты. Қалалық әкімдік өкілдері үлескерлерге құқықтық көмек қана бере алатынын мәлімдеді.
Өткен жылы 28 қарашада Астана соты бірқатар тұрғын үй кешеніне салынған үлестерді талан-таражға салғандарға айыптау үкімін шығарды. Істегі 10 айыптаушы өзгенің ірі көлемдегі мүлкін талан-таражға салғаны үшін кінәлі деп танылып, тоғызы түрмеге отырды.
Үлескерлер мердігер компаниялардың басшыларына жаза белгіленгенімен, олардың мәселелері шешілмегенін айтып отыр.