21 қаңтардан бастап елорда тұрғындары пəтер иелері кооперативтері (ПИК) ғимараттарында электрондық қолтаңбаны алып, уақытша тіркеуді рәсімдей алады.
Бұл туралы “Азаматтарға арналған үкімет” мемлекеттік корпорациясы баспасөз қызметі хабарлады.
Халыққа қызмет көрсету орталығының қызметкерлері пәтер иелері кооперативтеріне келіп, сол арада тұрғын үй тұрғындарына сағат 9.00-ден 18.30 аралығында (13.00-ден 14.00-ге дейін үзіліс) қызмет көрсетеді. Атап айтқанда, жексенбі күні сағат 8.00-ден 15.00-ге дейін облыстық және Астана мен Алматы Халыққа қызмет көрсету орталықтары жұмыс істейді.
“Осы тұрғын үй кешендерінде 22 көп пәтерлі үйлер орналасқан, яғни 3 мыңға жуық пәтер бар. Бұл ретте азаматтар тарапынан оңтайлы жауап болады деген үміттеміз. Қазіргі кезде Қазақстанның өзге қалаларындағы ПИК-термен келіссөздер жүргізіп жатырмыз”,- деп хабарлады “Азаматтарға арналған үкімет” мемлекеттік корпорациясы” КЕ АҚ филиалы — Мемлекеттік қызметтерді көрсету дирекциясының директоры Әсемгүл Балташева.