Астана ІІД баспасөз қызметінің өкілдері үш баланың жоғалған ата-анасының табылғанын мәлімдеді, деп хабарлайды Вaq.kz
«Жедел-іздеу шараларының нәтижесінде хабарсыз жоғалып кеткен азаматтар табылды. Қазір олар Ішкі істер басқармасына түсініктеме беру үшін жеткізілді.
Оларды іздеу үшін тек Астана полициясы емес, облыстық ішкі істер департаменттері де қосылды. Іздеу барысында түскен барлық ақпарат мұқият қаралды.
Нәтижесінде олардың қайда екені белгілі болды. Олар – аман-есен», – деп хабарлады баспасөз қызметі.
Ата-анасы жоғалған кезде балалары туыстарында болған.
Еске сала кетейік, 12 сәуірде Астанада үш баланың ата-анасы үйінен шығып, хабарсыз кеткен.
https://kaz.365info.kz/astanada-ysh-balanyn-ata-anasy-izdestirilip-zhatyr-311957