Астанада көпір астынан өтпек болған көлік апатқа ұшырады (видео)
Астанада “Астана Опера” театры алдында “ГАЗель” көлігі апатқа ұшырады.
Бұл туралы Sputnik.kz хабарлады.
Жүргізуші тоннельдің биіктігін есептемей, сол жағалауда көлігінің күл-талқанын шығарған.
Астана ішкі істер департаментінің баспасөз қызметі мәліметіне сүйенсек, көліктің рөлінде елордалық компаниялардың бірінің қызметкері басқарып келе жатқан. Ол биіктігі екі метр тоннельден өтпек болады. Ал “ГАЗель” көлігінің биіктігі – 3 метрдей.
“Жол апаты түс кезінде болды. Полицейлер қазір тексеру жүргізіп, апаттың мән-жайын анықтап жатыр”, – деп хабарлайды елордалық полиция департаменті баспасөз хатшысы Софья Қылышбекова.
Ішкі істер департаментінің хабарлауынша, жүргізуші Әкімшілік құқық бұзушылықтар туралы кодекстің 610-бабы (Жол жүру ережесін бұзу салдарынан адамдардың денсаулығына зиян келуі, көліктік құралдардың немесе басқа мүліктің бұзылуы) бойынша жауапқа тартылған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе