Астана қаласы ішкі істер департаменті түрлі деңгейдегі жарыстарға қатысып, жүлделі болған Жедел қимылдайтын арнайы жасағының қызметкерлерін салтанатты түрде марапаттады.
Бұл туралы Астана қаласы ішкі істер департаментінің баспасөз қызметі хабарлады.
2016 жылдың 18-19 қазан аралығында Ақтау қаласында Қазақстан құқық қорғау органдарының 270 қызметкерінің арасында тоғыз салмақ категорияларынан чемпиондық титулдары үшін жарыс болып, оның құрамында ең мықты спортшы, чемпиондар және әртүрлі рангтағы чемпионат жүлдегерлерінен тұратын 25 команда бақ сынасты.
Жарыстың қорытындысы бойынша Астана қаласы ІІД Жедел қимылдайтын арнайы жасағының инспекторы полиция аға лейтенанты, бокстан спорт шебері, сондай-ақ қоян-қолтық күрестен спорт шеберінің кандидаты – Асылбек Ибрагимов 70 келі салмақта жүлделі І-орынға ие болды.
Биыл 13 тамызынан 23 қазан аралығында Астана қаласында «Футболдан Әуесқойлар Лигасы» арасында Чемпионат өтіп, Астана қаласы ІІД Жедел қимылдайтын арнайы жасағының футбол командасы жалпы командалық «D» лигасында жүлделі 3 орынды қанжығаларына байлады.
Турнирдің «Үздік шабуылшы» атағына Астана қаласы ІІД Жедел қимылдайтын арнайы жасағының полиция аға лейтенанты Данияр Еңсепов лайық деп табылса, ал «Үздік қорғаушы» атағы осы жасақтың полиция лейтенанты Рустам Әубәкіровке бұйырды.