Астана қаласы ішкі істер департаментінің Есірткі бизнесімен күрес басқармасының қызметкерлері кинологиялық қызмет орталығымен бірлесіп, шұғыл іздестіру шараларын өткізу кезінде елорда аумағында есірткі тасымалы және оны оны сатумен айналысатын адамды ұстады.
Шақпақ көшесінің бойынан 13 келі гашиш есірткісі табылып, тәркіленді. „Линда„ есімді иісшіл иттің көмегімен жабдықталған құпия жерден 23 келіден астам марихуана табылды. Тәркіленген есірткінің жалпы көлемі 37 келі. Бұл есірткіні ер адам осы елордада сатпақ болған. Ұсталған адам бұған дейін де заңсыз есірткі саудасы үшін сотты болған.
Бұл факті сотқа дейінгі тергеу тізіліміне ҚР қылмыстық кодексінің 296-бабы бойынша тіркеуге алынды.
Жыл басынан бері Астанада 275 келі әртүрлі есірткі заты анықталып, тәркіленген.