Астанада екі жасар бала балабақшадан өз бетімен шығып кеткен
Астанада балабақшадан жалғыз өзі шығып кеткен екі жасар бала өзенге батып кете жаздады.
Бұл туралы elorda.info хабарлады.
«Біз осы балабақша туралы деректерді тексердік. Бұл жеке мекеменің еш жерде тіркелмегені белгілі болды», – деп хабарлады Білім басқармасының баспасөз хатшысы Жазира Асанова.
17 сәуірде болған жағдайдың арты оқыс оқиға айналып кетуі мүмкін еді. Абырой болғанда, сол уақытта өзенді бақылап тұрған құтқарушы Есіл өзенінің қарсы бетінен судағы баланы көріп қалған.
Құтқарушылар дер кезінде әрекет етіп, суда тұншығып бара жатқан бүлдіршінді құтқарып үлгерген.
Кейін екі жасар баланың серуендеу кезінде мұздың астына құлап кеткені белгілі болды. Мұзды суға тоңып қалған сәби бірден ауруханаға жеткізілді.
Қазір оның өміріне ешқандай қауіп төніп тұрған жоқ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе