Астанада ауа-райының қолайсыздығына байланысты бірінші ауысымдағы 1-4- сынып оқушылары үшін сабақ болмайды.
Бұл туралы Астана қаласы әкімдігінің ресми сайты хабарлады.
Астананың білім басқармасының хабарлауынша, қауіпсіздік шаралары мен балалардың денсаулығын сақтау мақсатында сабақ мынандай жағдайларда болмайды: 25 градус суық және одан төмен, жел секундына 2 метр және одан жоғары болса — 1-4 сынып оқушыларына; 30 градус суық және одан төмен, жел секундына 2 метр және одан жоғары болса — 1-9 сынып оқушыларына; 35 градус аяз және одан төмен, жел секундына 2 метр және одан жоғары болса — мектептің 1-11 (12) сынып оқушыларына, колледждердің 1-2 курс студенттеріне сабақ болмайды.
Айта кетелік, бүгін Астанада 29 градус аяз болып, боран соғып тұр.
Сабақтың болмайтыны туралы ақпаратты таңертең сағат 6.45 — 7.00 аралығында, екінші ауысым түскі сағат 12.15 — 12.30 аралығында мына ақпарат көздерінен білуге болады: — «Алма ТВ», «31 канал» және «СТВ» телеарналарында жүгіртпе жолдан; — «Алма ТВ» ақпараттық кабельді арнасында хабарландырудан; — Кабельді телеарналар қосылмаған болса, «Хабар», «Қазақстан 1», «ОРТ Қазақстан», «Астана ТВ», «КТК», «НТК» телеарнасында дауыстық хабарламадан, «Радио-Астана», «Ретро-FM», «Қазақстан-РВ», «Авто-радио», «Шалқар» радиоларынан; — 169 (ақылы), 109 (тегін) нөмерлеріне ұялы телефоннан хабарласу арқылы; — www. astana.gov Астана қаласы әкімдігінің сайтынан.