Астанада 6-ақпанда Ресей, Түркия және Иранның Сирия жөніндегі делегациясы БҰҰ өкілдерінің қатысуымен бейресми кездесу өткізеді.
Бұл туралы ҚР Сыртқы істер министрлігінің баспасөз қызметі хабарлады.
«Иә, бізге осындай кездесу өткізуге қолдау білдіру туралы ұсыныс келіп түсті», — деп нақтылаған сыртқы саясат ведомствасы.
«Астанада әр елдің өкілдері мен арнайы қызметтері Сирияда оқ атуды тоқтатып, оқ атпау режимін бақылаудың тетіктерін талқылаумен айналысатын болады. Осы кездесуге байланысты Украина төрағалық ететін БҰҰ Қауіпсіздік кеңесінің Сирия мәселесін реттеу талқысы 10-ақпанға шегерілмек», — деген еді ол.