Елордалық билік өкілдері қаланың шеткі аймақтарында тұратын оқушыларды мектепке тасымалдау үшін 45 жаңа мектеп автобусын енгізуді жоспарлап отыр.
Бұл туралы Астана қаласы жолаушылар көлігі басқармасының басшысы Бекмырза Игенбердинов хабарлады.
“Астанада жаңа мектеп тасымалдау жүйесін құру жоспарланып отыр. (…) Мектеп тасымалының маршруттік желісі жасалатын болады. Осы жылы 45 мектептің жанынан оқушыларды тасымалдайтын автобустар пайдалануға енгізу жоспарда бар”, — деді Игенбердинов бейсенбі күні қоғамдық тыңдау барысында.