Астанада 18 жастағы павлодарлық жігіт өзін өртеп жіберді
Бүгін кешқұрым Астанада 18 жастағы жас жігіт өзін өртеп жіберді, деп хабарлайды ҚазАқпарат.
Бұл туралы ІІД баспасөз қызметінің жетекшісі Софья Қылышбекова мәлім етті.
«Бүгін, 19 желтоқсанда, сағат 17:00 кезінде полицияға «Думан» ойын-сауық орталығы маңындағы саябақта белгісіз біреу өзіне жанармай құйып, суицид жасағысы келгендігі туралы хабар түсті. Аталған азамат ешқандай талаптар қоймаған.
Оқиға орнына шұғыл түрде полиция қызметкерлері мен жедел жәрдем жіберілді. Оның өртенген киімі бірден өшірілген», – дейді ІІД баспасөз қызметінің жетекшісі.
Анықталғандай, жас жігіт Павлодар тұрғыны болып шықты. Ол Астанаға 16 желтоқсан күні қонаққа келген екен.
«Аталған оқиға бойынша тексеру жүріп жатыр. Оның қолы мен мойнын күйік шалғандықтан, ол медициналық мекемеге жеткізілді», – деді С. Қылышбекова.
Зардап шеккен жігіт оқиға орнынан №1 қалалық аурухаға жеткізілді.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз