Астана-Щучинск автожолындағы ақылы жүйе арқылы биыл 1,2 млрд теңге табыс табу жоспарланып отыр.
Бұл туралы бүгін Үкімет отырысында ҚР Инвестициялар және даму министрі Жеңіс Қасымбек мәлімдеді.
Астана-Щучинск автожолына ақылы жүйе 2013 жылдан бері енгізілген болатын. Орташа жылдық қарқын – тәулігіне 8 мың автомобиль. Ақылы жүйе арқылы жеңіл автокөліктерге 1 теңге және жүк көтеру көлеміне байланысты орташа тарифпен шақырымына 15 теңгеден (5-25 тг). Ақылы жолдан түсетін табыстың 30 пайызы жеңіл автокөліктерден, ал 70 пайыз жүк көліктерден түседі.