«Астана» футбол клубы Еуропа лигасы топтық кезеңінде «Маккабиді» 4:0 есебімен ұтып, өз бюджетін 360 мың еуроға толықтырды.
Бұл туралы Vesti.kz хабарлайды.
«Астана» осы еуромаусымда бүгінге дейін 6 млн 660 мың еуро кіріс келтірген.
«Астана» клубы Еуропа лигасының топтық кезеңіне Чемпиондар лигасының іріктеу кезеңі арқылы қосылды. Қазақстандық клуб екінші кезеңдегі жеңісі үшін 320 мың доллар, ал плей-офф кезеңінен шығып қалғаны үшін үш млн еуро табыс тапты. Сондай-ақ ЧЛ топтық кезеңіне өте алмаған ел чемпионы қосымша 260 мың еуро алды.
Айта кетейік, Еуропа лигасының топтық кезеңі жеңімпаздары тағы 600 мың еуродан, екінші орын иеленгендер 300 мың еуродан алады.